"Maktabdan tashqari o‘qish" ruknidagi ushbu navbatdagi to‘plam yana uch zabardast adiblar ijodidan saralandi. Chingiz Aytmatov, Rabindranat Tagor, Aziz Nesin. Uch iqlim va uch xil uslub yozuvchisi. Ammo barchasida bitta umumiylik bor – o‘quvchi mutolaaga  chog‘lanar ekan, davr ruhini his qiladi, yozuvchi bilan suhbatga kirishadi, fikrlashadi va nihoyada yozuvchining xulosasidan bahramand bo‘ladi. Maq­sadimiz, yosh kitobxonlarimiz mazkur asarlar bilan o‘ssin, adiblar aytmoqchi bo‘lgan «so‘z»ga yetib borsin hamda ushbu yozuvchilarning keyingi – hajman katta asarlari mutolaasiga-da mushtoq bo‘lsin.