Hurmatli kitobxon! Ushbu she'riy to'plamda Chiroqchi tuman madaniyat va aholi dam olish markazi qoshida tashkil etilgan "ijodkor sshlar" adabiy to'garagining eng faol yoshlaridan 30 nafari hamda to'garak rahbari Oybek Eshonov ijod namunalaridan o'qishingiz mumkin. E'tibor qilsangiz to'plamda Chiroqchi tumanining eng chekka qishloqlarida istiqomat qilib, ijod qilayotgan yoshlarni ko'rishingiz mumkin. To'garak ishtirokchilari ichida "Yurt kelajagi" Respublika tanlovi g'olibi Baxtiniso Mahmudova kabi ijodkorlarning borligi quvonchli hol, albatta. To'plam ezgulik, go'zallik va nafosatni tarannum etuvchi g'oyalar asosida tuzilgan. Kelajakda ushbu to'garak faoliyatiga ulkan zafarlar, omadlar doimiy hamrohlik qilishini istab qolamiz.