Inson umri davomida goh real hayotda, goh kitoblarda koʻplab jinoyat jumboqlariga, sirli voqealarga duch keladi, ogʻizdan ogʻizga koʻchib yurgan gʻaroyib hodisalarni eshitadi. Dunyo xalqlari adabiyotida mavjud boʻlgani kabi oʻzbek adabiyotida ham mistika janridagi hikoyalar yaratilayotgani bejiz emas. Zero, hayotning oʻzi sirlarga toʻla va u hamisha yozuvchini yozishga undaydi. Garchi mistika janrida qisqa hikoya yozish oson boʻlmasa-da, shuningdek, islom dini qadriyatlari ustuvor ellarda mistika yoʻnalishida qalam tebratishning oʻziga xos meʼyorlariga rioya qilish zarur esa-da, talab doirasida yangi-yangi asarlar yozilmoqda.
Azamat Qorjovovning qoʻlingizdagi mistika janri-dagi hikoyalar toʻplami Siz – aziz kitobxonda katta qiziqish uygʻotadi degan umiddamiz.