O‘zbekiston xalq yozuvchisi Tohir Malik bir necha yil avval shu nomda kitob nashr ettirgan edi. Bu kitobga jamlangan falsafiy fikrlarning ayrimlari bilan aziz muxlislar "Iymonlashish umidi", "Tosh qalblarga nazar solinmas" kabi to‘plamlari orqali tanishgan bo‘lishlari mumkin. Mazkur kitobni nashrga tayyorlashda adib ko‘p yangiliklar kiritdi. Dunyoni tushunishga xizmat qiluvchi yangi hikmatlar bilan boyitdi. Yozuvchi hayot falsafasiga doir kuzatishlari, fikrlarini to‘ldirgan bu to‘plam ham kitobxonlarni befarq qoldirmaydi, deb umid qilamiz.