Ҳар  биримиз  учун  қадрли  бўлган  истиқлол  айёми  арафасида янги-янги бино ва иншоотлар, равон йўллар, боғ ва хиёбонларнинг ишга туширилиши қутлуғ анъанага айланиб бормоқда. Бугун бепоён юртимизнинг қайси шаҳар, қайси қишлоғига қадам қўймайлик,  кўплаб  ана  шундай  мустақиллик  иншоотлари  бунёд этилганига  гувоҳ  бўламиз.  Улар  давлатимиз  иқтисодий  қудратини, халқимиз  фаровонлиги  ва  маънавиятини  янада  оширишга  хизмат қилиши муқаррар. Ишончим  комилки,  она  Ватанимиз  тарихига  зарҳал  ҳарфлар билан ёзиладиган бундай улуғвор ишларнинг бевосита иштирокчиси бўлиш, таъбир жоиз бўлса, келажагимиз пойдеворини яратишга ўз ҳиссасини қўшиш ҳар биримиз учун улкан шараф, улкан бахтдир. Барчангизга  ана  шу  эзгу  мақсад  йўлида  сиҳат-саломатлик, ғайрат-шижоат  тилайман.

Асака шаҳридаги"ЎзДЭУавто" 
қўшма корхонасининг янги линияси
ишга туширилишига бағишланган
маросимда сўзланган нутқ, 
2001 йил17 август