“KITOBSEVAR MILLAT” Kitobxonlik haftaligi
“Kitobsevar millat”
"2020-2025 yillarda kitobxonlik madaniyatini rivojlantirish va qo'llab-quvvatlash milliy dasturi asosida 18 aprel kuni To’rtko’l tuman Axborot kutubxona markazida 18-22 aprel kunlari bo’lib o’tadigan “Kitobsevar millat” shiori ostidagi kitob haftaligining ochilish marosimi bo’lib o’tdi. Vazirlar Mahkamasi tomonidan tasdiqlangan kitobxonlikni shakllantirishning milliy dasturi asosida ish rejasi ishlab chiqilib, she’riyat kechalari, davra suhbatlari, bolajonlarimiz uchun “Ertaklar olamiga sayohat”, “Biz oilaviy o’qiymiz” tanlovlari o’tkazish, “Muallif kitob sovg’a qildi” mavzularda tadbirlar o’tkazish rejalashtirilgan. Ochilish marosimini To’rtko’l tuman Axborot kutubxona markazi direktori Umirbek Matniyazov ochib berdi. Shuningdek tadbirda Respublika Ma’naviyat va ma’rifat markazi To’rtko’l tuman bo’linmasi rahbari Jonibek Settiyev so’zga chiqib, “Kitob-yosh avlod tomonidan sevib o’qilib asrlar osha ma’naviy meros sifatida ulug’lanib boraveradi”- deb ta’kidlab o’tdi. “To’rtko’lnoma” gazetasi muharriri O’g’iljon Nurullayeva, 29 –Umumta’lim maktabi ona tili va adabiyot o’qituvchisi so’zga chiqdilar. Kitobxonlik haftaligining ochilishida “Guliston” mahalla yoshlar yetakchisi E.Begmuratov mahalla faollari bilan qatnashdilar. 5-son maktab o’quvchilari tomonidan tayyorlangan qo’shiq va raqslar kechaga fayz kiritdi. 13-MTT maktabga tayyorlov guruhi tarbiyalanuvchilari tayyorlagan raqslari tadbir qatnashchilarining olqishlariga sazovor bo’ldi. Tadbir so’ngida To’rtko’l AKMda tashkil qilingan “Onajonim she’riyat” klubi a’zolari ishtirokida she’riyat kechasi o’tkazildi. Kechada To’rtko’l tumani ko’p tarmoqli texnikum kutubxonachi va talabalari, 1-son kasb–hunar maktabi kutubxonachilari va talabalari qatnashdilar.
