“Tarixni tilga kiritgan jahonshumul qadimiy yozma meros”
“Tarixni tilga kiritgan jahonshumul qadimiy yozma meros” 2023-yil 28-noyabr kuni To‘rtko‘l tuman Axborot Kutubxona markazi o‘quv zalida Qoraqalpog‘istonda xizmat ko‘rsatgan Xalq ta’limi xodimi, O‘zbekiston Respublikasi Xalq ta’limi a’lochisi hamda “Mustaqillik” esdalik nishonlari sohibi Samandar Ismoilovning “Tarixni tilga kiritgan jahonshumul qadimiy yozma meros” kitobining taqdimoti o‘tkazildi.Tadbirda Respublika Ma’naviyat va ma’rifat markazi To‘rtko‘l tuman bo‘linmasi rahbari J. Settiyev, ijodkorlardan M. Masharipov, M.Yunusova,I.Bobojonov va o’quvchi yoshlar ishtirok etdilar. Muallif kitobni yozishdan maqsadini quyidagi so‘zlarida ta’kidladilar: “Men bu kitobim bilan vatanimga, yurtimga nihoyat xalqimga bo‘lgan sadoqatimni bayon qilganman ”.Albatta, Vatanimiz tarixiga oid kitoblar yoshlarimiz ongida vatanga bo‘lgan muhabbat tuyg‘usini shakllanishida asosiy o‘rin tutuvchi manbadir.
