Ezgulikka baxshida umr!
Ezgulikka baxshida umr!
O'zbekiston xalq yozuvchisi,XX asr o'zbek adabiyoti taraqqiyotiga munosib ulush qo'shgan adib O'lmas Umarbekov serqirra iste'dod sohibi edi.Taniqli yozuvchi davlat va jamoat arbobi O'lmas Umarbekov hayot bo'lganlarida 90 yoshga to'lar edilar.
2024-yil 18-yanvar kuni To'rtko'l Axborot kutubxona markazida adibning 90 yilligiga bag'ishlangan "Ezgulikka baxshida umr" mavzusida adabiy kecha bo'lib o'tdi.Kechani Fondlarni to'ldirish,saqlash va qayta ishlov berish xizmati rahbari M.Yusupova ochib berib,o'zining adib xotirasiga bag'ishlangan she'rlaridan o'qib berdi.Kechada 45-son o'rta maktabi 9-sinf o'quvchisi Aminova O'g'iloy ham qatnashib adib hayoti va ijodi to'g'risida gapirib o'tdi,kecha qatnashchilaridan To'rtko'l ko'p tarmoqli texnikumi "Kutubxonashunoslik" yo'nalishi talabalari esa adib asarlari yuzasidan berilgan savol-javobda faol ishtirok etdilar.Kecha qatnashchilaridan Ko'zi ojizlar kutubxonasi rahbari O'rinova Ra'no,Ko'zi ojizlar jamiyati boshlig'i Latipov O'mirbeklar so'zga chiqishdi va kitobxon hamda talabalarni O'lmas Umarbekovning brayl yozuvidagi asarlari bilan tanishtirib o'tishdi.Kecha mazmunli,qiziqarli va maroqli tarzda o'tdi.
