Эзгулик-шиоримиз, маърифат қуролимиз"
Ватан муқаддас Тўрткўл туман ахборот кутубхона маркази ўқув залида Қорақалпоғистон Ёзувчилар уюшмаси, Республика Маънавият ва маърифат маркази туман бўлинмаси ҳамда Тўрткўл туман ички ишлар бўлинмаси ҳамкорлигида республикамиз бўйлаб ўтказилаётган "Эзгулик-шиоримиз, маърифат қуролимиз" шиори остида "Ватан муқаддас" мавзусида мушоира-танлов бўлиб ўтди. Танловда "Онажоним шеърият" тўгарагининг аъзолари қатнашди. Биринчи ўринни мактабгача таълим ва мактаб таълими бўлимига қарашли 45 - сон ўрта мактабининг 9-синф ўқувчиси Аминова Ўғилой Холмурот қизи, иккинчи ўринни 65-сон ўрта мактабининг 9-синф ўқувчиси Дурдибоева Фазилат Бобомурод қизи, учинчи ўринни 21-сон ўрта мактабининг 8-синф ўқувчиси Байрамдурдиева Менгли Хумметовна қўлга киритди ва туман ички ишлар бўлинмасининг қимматбаҳо совғаларига эга бўлишди. Биринчи ўринни олган Ў. Аминова Қорақалпоғистон Республикасида бўлиб ўтадиган танловга йўлланма олди. Ижодкор қизларга омад тилаймиз
