"KITOBGA MUHABBAT-HAYOTGA MUHABBAT"
O’zbekiston Respublikasi Vazirlar Mahkamasining “2020-2025 yillarda kitobxonlik madaniyatini rivojlantirish va qo’llab-quvvatlash Milliy dasturi to’g’tisida”gi 781-sonli qaror bandlari ijrosini ta’minlash maqsadida "Kitobsevar millat" shiori ostida 2024-yil 22-apreldan 26-aprelga qadar bo’lib o’tadigan IV Respublika Kitobxonlik haftaligining tadbirlari bo’lib o’tdi. Kunning ikkinchi yarmida tuman Axborot kutubxona markazi o‘quv zalida "Kitobsevar millat"shiori ostida, kitobxonlik doirasida ikkinchi tadbir"Kitobga muhabbat-hayotga muhabbat" mavzusida yurtdoshimiz O‘zbekiston va Qoraqalpog‘iston Yozuvchilar uyushmasi a’zosi Begoyi Allaberganovaning 70 yilligi munosabati bilan shoira bilan uchrashuv o‘tkazildi. Tadbirda shoiraning hayoti va ijodi haqida kutubxona mutaxassisi, O‘zbekiston va Qoraqalpog‘iston Yozuvchilar uyushmasi a’zosi, shoira M. Yusupova, "To‘rtko‘lnoma" gazetasi bosh muharriri, shoira O‘g‘iljon Nurullaeva so‘zladi. Respublika Ma’naviyat va ma’rifat markazi To‘rtko‘l tuman bo‘linmasi rahbari J. Settiev shoiraning ijodi haqida so‘zlab Respublika Ma’naviyat va ma’rifat markazi To‘rtko‘l tuman bo‘linmasining tashakkurnomasi bilan taqdirladi. Shundan keyin "Onajonim she’riyat" klubi a’zolari shoira she’rlaridan yod aytishdi. Shoira Begoyi Allaberganova tadbirlar so‘nggida yurtdoshlariga va tashkilotchilarga o‘z minnatdorchiligini bildirdi.
