Yangi kitob taqdimoti
Yangi kitob taqdimoti «Qirq jonni qirq bo‘lib» Bugun tuman Axborot kutubxona markazida O‘zbekiston va Qoraqalpog‘iston Yozuvchilar uyushmasi a’zosi, jurnalist O‘g‘iljon Nurullaevaning "Qirq jonni qirq bo‘lib" kitobi taqdimoti bo‘lib o‘tdi. Kitobda Qoraqalpog‘iston Respublikasi To‘rtko‘l tumanida yashab fidokorona mehnat qilayotgan bir guruh faol ayollar haqida hikoya qilingan bo‘lib, kitob taqdimoti davomida so‘zga chiqqanlar bu haqda ko‘pgina ijobiy fikrlarni bildirdilar.Tadbirni O‘zbekiston va Qoraqalpog‘iston Yozuvchilar uyushmasi a’zosi va kutubxona mutaxassisi M. Yusupova olib bordi. Shuningdek, tadbir davomida M.Yusupova tumandagi faol ayollardan iborat «O‘zingdan boshla» kitobxon onalar klubini tashkil qilish bo‘yicha o‘z taklifini bildirdi. Bu taklifni tadbirda ishtirok etgan barcha qo‘llab-quvvatladi.
