“Онажоним шеърият” тўгараги аъзолари ёш ижодкорларнинг биринчи китобларининг тақдимоти
Наврўз арафаси кунларида туман Ахборот Кутубхонаси марказида “Онажоним шеърият” тўгараги аъзолари ёш ижодкорларнинг биринчи китобларининг тақдимоти бўлиб ўтди. Унда Қорақалпоқ Давлат университетининг чет тиллар фақультетининг 4-босқичида таҳсил олаётган Болтабоева Ҳилола Ражаббой қизининг “Қалб оҳанглари” ҳамда тумандаги 45-сон мактабнинг 7-синф ўқувчиси Мунисахон Мамбетсолиеванинг “Меҳр муждаси” номли китобларининг дунё юзини кўргани, шеърларда кўтарилган мазмун ва мантиқ тўғрисида Давлат тили масалалари бўйича ҳоким маслаҳатчиси Гулёра Назарова , тўгарак раҳбари Мунаввара Юсупова ва тўгарак аъзолари сўзладилар. Тақдимотда ёш ижодкорлар билан биргаликда уларнинг ота-оналари ҳам қатнашди. Тақдимот охирида муаллифлар ўзларининг китобларидан йиғилганларга эсдаликка китоб тарқатди. Баҳор ва Наврўз айёмига бағишланган мушоира ҳам кечага кўрк бағишлади.
