"Buyuk ikki alloma"
7-fevral kuni To'rtko'l tuman O.Xudoyshukurov nomidagi Madaniyat saroyining faollar zalida tuman ko'zi ojizlar kutubxonasi va To'rtko'l tuman Axborot-kutubxona markazi mutaxassislari bilan hamkorlikda turkiy adabiyotning ikki buyuk dahosi Mir Alisher Navoiy tavalludining 585 yilligiga hamda shox va shoir Zahiriddin Muhammad Bobur tavalludiga bag'ishlab "Buyuk ikki alloma" mavzusida adabiy-badiiy kecha o'tkazildi. Tadbirda o'quvchilar buyuk allomalar ijodiga oid ko'plab she'rlar, g'azallar va sahna ko'rinishlarini ijro etishdi. Ulug' siymolar ijodiga bag'ishlangan kitob ko'rgazmasidagi adabiyotlar esa tadbir qatnashchilarida katta qiziqish uyg'otdi.
